باغير عليك. الشاعر. عصمت لملوم
باغير عليك
كل مااقول مش هاطلبه تاني
القى حاجات كده ليه وخداني
وامسح بايديا انا ارقامه
القاها انغام فى وداني
وارن بشوقي المجنون
وادوب لما يقول وحشاني
وابدا احن وقلبي يسامح
واعزره لما يقول ظالماني
واعاتب قلبي واللومه
واعامله على اني الجاني
والقاني باتأسف ليه
من غيرتي اللي عليه وخداني
وفى ثانيه نرجع احباب
ويحلفلي انه ما ينساني
ويبقى زعلنا كأنه سراب
وبيرجع فرحنا من تاني
واقوله ده الحب عذاب
ويقولي هواكي رباني
وانا قلبك باعمله حساب
ولابعدك راح اعشق تاني
عصمت
Esmat Lamlom
التسميات: شعر عامي
مرسلة بواسطة fattenhseen@gmail.com @ يونيو 18, 2025
<< الصفحة الرئيسية