فصل الصيف.. سعيد ألجدي الادريسي

فصل الصيف...

بقلم: سعيد ألجدي الادريسي

مرحبا بفصل الصيف

فصل الترحيب بالضيف

وحتى بالجالية المغربية

مولات الدار و ألوان الطيف

كنرحبو حتى بالبراني

راه عمارة لبلاد 

و عافس ع الحيف

فصل الصيف

فصل الاستجمام

فصل النخوة 

و النزاهة و النيف

فصل السهرات 

الملاح و الانشراح

راه تفويجة لكل 

واحد و تشريف

لبلاد اديالنا 

دايرة اللازم و فايتاه

باش ترضي كل مصطاف 

يعني بالمبيت 

اللايق و بألذ رغيف

عبر كل بحارك 

يا بلادي الغالية

و عبر كل منتجعاتك الباهية

يا أعلى و أرقى و أثنى 

و أحسن و أروع من المالديف

بلادي، حلوة بنسايمها 

و بهواها لعليل

راها بعيدة على كل 

عناد او تكليف وحتى تزييف

ناسك، يا بلادي، و لا أروع

من بحبوحة قلبها 

كترحب بالضيف

كتمنى ليه عطلة 

هنية مريحة

كلها استفاذة و حبور 

بلا زواق او تغليف

أرواح جاي 

يا مغربي العالم

أرواح جاي 

يا الزاير لبلادي

راك، و الله، غالي 

و شامخ و منيف

مرحبا بفصل الصيف

فصل الترحيب بالضيف

راه مكرم و محصن 

من الشمال إلى الجنوب

راه، غالي و محترم 

و سامي في التشريف

كنحبك يا منبث الاحرار

كنعشقك يا مشرق الانوار

يا ضي الجفون 

و القلوب و رهيف

يا سيف بثار ضد 

كل عدو غاشم

ضد كل ذخيل مصندل

بغى يقوض أركان بلادي

بغى يبث الشغب 

فيها او النتيف

عاش دينا معتدل و وسطي

عاش المغرب موحد 

متضامن أليف

عاش همامنا البطل العبقري

مسترجع الصحراء من لعدو 

اللي كان عندنا حبيب 

ظريف وغالي و وليف.

Said Alajdi El Idrissi 

Maroc