حب مرتاح. للشاعر. محمد السر

ونسة شعرية 

إهداء الى إبنتي روان 

   ... حب مرتاح ...

وفي لون السما وضاح ..

روان ..

 شتيلة في القليب أفراح

بنية مع طين الجروف تنداح ..

شايلة من القمر أصداح ..

وزارعه في العيون أفراح ..

بنية تسامر الأقمار ..

وتحكي عن طفولة وحب .. بالأمل مرتاح ..

حضن ناعم وضحكة في الفلك إصباح ..

تغازل لي زمنا الفات ..

ومن الهموم نرتاح ..

تشيل من جوه .. أوجاعنا ..

وللأيام بقت .. مفتاح ..

تباريح شوقنا وعيون طفلة ..

حكاية طويلة وحنان مرتاح ..

نفتش في دفاتر الريد ..

ملامح ماضي كلو جراح ..

نلاقي الراحة في ذكرى ..

تجدد فينا ألف صباح ..

حب مرتاح ..

طفولة بريئة شفيفة صراح ..

عيون ما بتعرف تخاصم زول ..

وليها القلوب سواح ..

روان للزهور شمس ولقاح ..

وكل ما نبعد يزيدنا نواح ..

وكل ما نقعد ..

يكون لون الوداد الصاح ..

روان يا ناس حب مرتاح ..

بتكبر معاها فرحتنا ..

وتمسح من حاضرنا الف جراح ..

وتبقي البسمة فاقدة نواح ..

روان وحبنا المرتاح ..

يعيش ريدك فينا أحلى بواح ..

محمد السر