اسمحيلي أقول وداع. الشاعرة سمية نور الدين

إسمحيلى اقول وداع

           كلمه مكتوبه بألم

         كلمه من لحن الأنين

     ماشيه فى دروب السنين

        زرعها بساتين حكم

      يادمع سايل ع الخدود

         ياوجع فاق الحدود

        بت يَامَا أسهر ليالى

        وانتظر امتى تعود

      أَشتكي سنينى العجاف

        قلبى فيهم ياما خاف

        خاف لحلم العمر يهرب

      من سنين الغربه يشرب

      يشرب الجوع والجفاف

          

           تشتعل نار الحنين  

      فى الحكاوى فى الغناوى

        فى العيون الملهوفين

           يازمن ليه بتعندنى

           يازمن ليه بتلاوعنى

        ذنبى ايه افضل أعانى

         والمشاعر مدبوحين

     نفسى أَعَبَرْ. .نفسى أَفَسر

         نبضه القلب الحزين

        والشباب اللى فارقنى

         فاتنى للأه والأنين

      فاتنى لهمومى وشجونى

     فاتنى للخوف والضياع 

        بس متأسف ياعمرى

       ايوه متأسف..... وداع

    بقلمى /سميه نور الدين محمد