كبريائي. الشاعر. عامر عبده عامر

كبريائي

 كبريائى مش عشان 

ترجع لي تاني

و تعود الموده بنا و الحنين

 غروري عشان قدرت 

  أنسى حبي

و أدوس على قلبي الحزين

تقدر تيجي تحاسبني

الحساب بنا هيطول سنين

تعالى نقيس حبك و حبى

 و نشوف مين مديون لمين

لو دعيت عليك بذنبي

قلبك هيرد يقول أمين

يا اللي بنار حبك كاويني

قل لي مين هيطفي ناري

مش ممكن حد غيرك هيداويني

لو هداني نجمه من السما

عمره برده ما يراضيني

الحكايه مش أني أعيش فى قصر

و لا يهاديني بنجمه والسلام

 أنا ممكن أعيش في عشه

بس أعيش في إنسجام

الشاعر / عامر عبده عامر مصر