دامت لمين. الشاعرة د. حنان سلام

دامت لمين يامسكين

===============

عجبي عليك يازمن دوار

بنيت قصر حياتي وكنت عشمانه يسكنه الطيبين وطلع علي بحر من الرمال 

القرايب طلعوا اغراب زي التعابين

والحبايب بقوا لينا أعز العدوين

كانت دامت لمين يامسكين

ياناكر الجميل طلعت خاين غدار خسيس 

عامل فيها أصيل ومن طايفة الجدعان

وأتارى إل علمك الحق والأصول كان سكران

خسارة يازمن إبن الأصول دايما منداس

وعجبى عليك يازمن بيعيبوا فيك

 والعيب متأصل ف ناس زي المداس

اللي علناهم طلعوا واطين كدابين

والحلفان عندهم وصل لحلفات بالله 

وال عامل فيها مفتي الديار تقي وعارف الله طلع شيطان لابس توب إنسان مظلوم وغلبان

وصاحب الحق طلع هو الغلطان 

بتحلف لمين وبمين ياغفلان

ياإبليس ألاعيبك بقيت ف خبر كان

اقعد وإتعلم الجديد من إبليس الإنسان

وهاتي يادنيا وفرجينا كمان وكمان

اصل الأصيل دايما حمال زي الجبال 

بهيبة وعز الرجال عايشين

أسود في غابة مليانه ديابه وكلاب

آه يازمن العجب خليت الكبير متهان

وكلمته في سوق العيال ببلاش 

والعيال عملوا فيها أبطال ورجال بشناب

عاملين فيها من الأعيان وهما فاضين

ندل خنجره ف الضهر أصله خوان

 جبان خواف لايعرف عهود ولاوعود

والصاحب عامل فيها حبيب جدع وشهم أتاريه صاحب مصلحة خيبان

 وعلى أصله بان عيان بيان

 ولسه مكمل خساره طلع غبي مش شبعان حرامي هباش وعامل فيها أستاذ وإبن ناس وهو فى الأصل مش تمام

عبي وخد وبرضوا عمرك ماحتستكفي

لا حقولك ف يوم فين حقي ولاحتى هات

ياناسي والدنيا وخداك دى دار فناء وإبتلاء العايش فيها فاكر إنه متغطي واتاريه عريان

 دا الشاكر وصابر وحامد ربه هو الكسبان

إفتكر ياإنسان يوم الحساب 

وإن أخرك هو متر قماش

 وعل الاكتاف حتتشال

ووقت الحساب مافي كدب ولانفاق 

ولاحتى حلفان دا الحساب أعمال وأفعال 

وكله بميزان الحق والعدل 

من مالك الملك الرحمن  

والحق حيتقال وحتطلع خسران ندمان 

والنار مثواك إستقرار

هي كانت دامت لمين

الكل ف الدنيا عايش سكران

من غير دخان ولاكاس 

ناسين إننا مخلوقين من تراب

 وللتراب نعود مهما طالت الأعمار

وهي كانت دامت لمين ياغفلان

بقلمي د. حنان سلام ...